2008年9月1日星期一

~孩子長大了~


今日係八月最後一日!


聽日學生都開學啦!


唔知點解,巡blog時睇到好多媽咪,


都好似好開心咁!


因為小朋友開學,佢地會多咗自己嘅時間!


睇到咁,我又有感而發,


我而家想同囝囝講多句嘢都幾難!


小時候你會覺得佢地好癡身好麻煩,


無時無刻要服待佢地,

行開行埋都唔得,


但呢啲時間唔係好耐,十幾年時間,


仔女小時候應該係媽咪最享受嘅時候,



享受佢地同你一齊嘅時間;


享受同佢地一齊去玩嘅時間;


享受同佢地最親密嘅時候;


過後就好似我咁,想同佢地去游下水,


咪攪,

同同學出去好過!


想同佢地睇埸戲,無啦,佢自己會約同學仔去睇!


仔女大咗有自己的朋友,唔再癡住你,


你就會有失落嘅感覺,


好彩,我而仲有個囡囡癡住

,真係要好好享受呢幾年,


再大啲囡囡都會有自己嘅男朋友,


亞媽變得可有可無啦!



星期日例牌都係飲茶!



今日想再整椰汁糕,


但加少少紅豆,咁又變成椰汁紅豆糕。


我都係用mamipohpoh嘅方法,


上完蛋糕堂,今次終於可以打得起啲忌廉啦!


mamipohpoh你返嚟記得睇下呀!



但係今晚睇下,好似失敗咗喎,聽日先知!



今晚又係食茶餐廳,大老爺話去大家樂,


我話過唔去架,啲餸少到C!


叫餸時見到隔離碟"蒸鱔"好正,



係我再三要求下先叫咗一碟!



好正呀,仲有碟燒鴨!



呢個係乜?咪整椰汁紅豆糕淨咗啲紅豆沙囉!


記得細個時,亞媽煲糖水,食淨咗佢會用杯仔裝起,

放係冰葙,咁咪有紅豆冰食囉,


個時細個好鍾意食架,


用個鐵匙刮下刮下咁,


好過癮!

23 則留言:

  1. 1111111,  好彩拿到第一
    [版主回覆09/01/2008 06:12:00]haha.........俾完貼士你係唔同啲嘅,yeah............

    回覆刪除
  2. 22222222222
    [版主回覆09/01/2008 06:12:00]你都唔差............yeah.

    回覆刪除
  3. 您講得都好有道理的~現在應"學吓"享受親子樂~
    我二家姐個女長大後,都很少我們這班老野出去了~
    "馥苑"我以前都成日幫親,不過係吃晚飯~深水埗果間分店~
    咦~~炸雲吞,我今天飲茶都有叫來吃~是我飲茶必叫之選~
    [版主回覆09/01/2008 06:16:00]你飲茶食嗰差不多同我食嗰啲一樣呀! 以前唔會覺得仔女係身邊係享受,當仔女已經大嘅時候,先會發覺佢可以係你身邊係好難得嘅事! 我個個星期日都係度飲茶,順便行下獅子石道。

    回覆刪除
  4. 係呀啲仔女大個咗,又會有自己個圈子,妳要迫都迫唔到.只要佢地每逢過時過節,都返來食吓飯傾吓計都好開心.唔緊要啦,只要個囡囡家吓陪妳開開心心一日又一日.唔好諗咁遠喇.
    [版主回覆09/01/2008 06:11:00]所以仔仔女女而家可以陪你,就應該要好好珍惜!以前我都覺得仔女細個好麻煩,但大咗先會發覺有啲嘢要珍惜!

    回覆刪除
  5. "再大啲囡囡都會有自己嘅男朋友" ,希望他妈認識一个你識的或中意食你煮的食物的男孩子!
    唉,同是天涯淪落人
    [版主回覆09/01/2008 07:26:00]早呀!我仲未有咁快做外母!

    回覆刪除
  6. 所以,趁現在同朋友打好關係,老左就靠朋友架啦.通常年紀大了陪你去玩既,唔係身邊個件,就係d老友記啦.我已經深深體會到啦,所以不能冇左妳地呢d好朋友架,如果唔係,邊有人陪我打麻雀,陪我去祈福呀??哈哈........
    [版主回覆09/01/2008 10:21:00]hahaha.................老友記,我知啦!我諗我要去買車票啦,亞姐confirm咗未架!

    回覆刪除
  7. 聽落好似好悲哀, 但呢個又係一個事實. 正如我地長大咗會離開父母一樣, 係一個無得變嘅循環!!
    [版主回覆09/01/2008 10:20:00]所以你地啲小朋友仲細,好好咁享受同佢地一齊嘅光陰呀!事實係事實,我以前唔會諗到咁!真係想返番幾年前,同囝囝講多幾句嘢!

    回覆刪除
  8. 我個個星期日都係度飲茶,順便行下獅子石道。---->> 您就好啦~
    我們一家很少去飲茶,因為我與老公都好怕"等"的,
    所以,星期日最鐘意留在家吃早餐或去埋D"山卡拉"地方,
    貪不用等位又方便泊車~
    現在大圍人口又多了~連我們樓下的垃圾餐廳中午食飯
    時段都話 冇位的,唉~~都不知是甚麼世界~
    [版主回覆09/01/2008 10:32:00]有車係唔同嘅,又要諗車位,九龍城星期日好似打扙咁,4行parking呀!我都係早啲唔想等位,避開啲人! 剛剛買完餸返嚟,仲慘過返工呀,我而家去煲定湯,下午出荃灣"DIY"買材料,想整麵包呀!

    回覆刪除
  9. 下午出荃灣"DIY"買材料,想整麵包呀!--->>> 您呢個媽媽
    真係好~山長水遠,又熱到暈,都肯出去買材料~
    做您仔女真係好幸福呢~
    [版主回覆09/01/2008 11:23:00]係我想學整包咋,上海街嗰間今日休息,咪要去荃灣囉! 亞女出門口叫我慳電呀,唔准我開冷氣 ,佢知我呢個亞媽一返屋企就開冷氣......

    回覆刪除
  10. 我都有同感呀, 我都係有一對仔女, 而陣讀中學....已經唔同晒...我真係好 enjoy 以前一齊攬住睇電視呀.....而家就變成各自係房玩電腦呀...通常都係得我同老公係廳睇電視.....
    [版主回覆09/01/2008 11:24:00]一模一樣呀,我對仔女都係讀中學,都係各自係房!好想返去佢地細個時,嗰時覺得佢地煩!你對仔女幾大呀?

    回覆刪除
  11. 亞女出門口叫我慳電呀,唔准我開冷氣--->> 您個女好生性呢~
    您好安慰喇~不過~您話比亞女知,成三十度以上,不開冷氣,
    亞媽會熱到溶的呢~~不怕政府會開始有電費津貼的了~
    [版主回覆09/01/2008 11:44:00]亞女好似驚地球會消失咁,又唔准開燈又唔准開冷氣! 不過佢懶唔讀書啦!考第尾咁滯!

    回覆刪除
  12. 阿女中五, 阿仔中三....好彩我個女都仲肯被我攬下, 我地都仲拖住手行街....
    [版主回覆09/01/2008 16:38:00]你同我一樣喎,不過我個囡係細嘅,女仔同男仔嘅分別就係咁啦!

    回覆刪除
  13. 咪咁失落啦!!!仔女大個你嘅人生又屬於番你自己囉,做個潮媽,跳吓舞行吓街整吓嘢食都好正呀!!
    我細細個時,阿媽都有整呢D紅豆沙冰俾我哋食!!!咁啱嘅???
    [版主回覆09/01/2008 16:40:00]以前啲人窮,梗係唔好浪費啲食物!可能以前興喎! 都唔係失落嘅,個個亞媽都要經過呢個階段!

    回覆刪除
  14. 亞女好似驚地球會消失咁,又唔准開燈又唔准開冷氣!--->>>
    未來的"地球之友"--->>>環保戰士~yeah~
    [版主回覆09/01/2008 13:16:00]佢係一個己人憂天的女仔!而家等緊返食嘢!有好嘢食....

    回覆刪除
  15. 到時妳也會有屬於自己的朋友呢
    [版主回覆09/01/2008 16:42:00]而家已經係啦!大老爺又唔會同我行街去揼骨,都係啲好姊妹同我去咋!

    回覆刪除
  16. 系呀,你講得很對。我仔仔細個時成日都要抱,我覺得好煩依家想抱都抱唔起。細個拖著佢ga小手仔覺得好得意,依家大咗就唔系好想拖你啦!尤其系老師,同學面前。
    [版主回覆09/01/2008 16:44:00]係呀,男仔係唔同啲嘅,女仔都仲會攬住媽咪,你一個仔?

    回覆刪除
  17. 系呀,我得一個仔仔.
    [版主回覆09/01/2008 17:14:00]生番個女呀

    回覆刪除
  18. 第一次睇你個blog,D野食好正呀!!!!!!
    [版主回覆09/01/2008 18:23:00]多啲嚟捧場呀! 今晚仲有好嘢呀!

    回覆刪除
  19. Where is the 椰汁紅豆糕 ah???  Have to wait for 9pm????
    [版主回覆09/01/2008 18:19:00]失敗咗呀,原來用mamipohpoh個椰汁糕食譜係唔可以加紅豆架,因為個糕太軟呀!都係用番傳統方法整好啲!No wait la!
     

    回覆刪除
  20. NO啦,大著個肚成十個月好辛苦,又要日日嘔.
    [版主回覆09/01/2008 21:43:00]哈,我陀兩個都無嘔喎!

    回覆刪除
  21. 但係我而家唔覺得係享受架,真係好辛苦呀
    原來妳都成日去九龍城咩,有泰式按摩喎
    [版主回覆09/02/2008 06:20:00]我以前都係咁諗﹐但而家先知佢地會展開自己嘅生活的時候,你會覺得原來以前咁熱鬧唔係必然嘅,我成個暑假都無乜嘢好做,囝囝最多係陪我星期日去飲茶咋! 仲要係我迫佢,話一個星期點都要陪媽咪一次! 九龍城個個星期去,但祇限行獅子石道同街巿,行多兩行啲大少大小姐又問行完未? 泰式按摩我都知,不過我都係鍾意上面啲腳按同揼骨!

    回覆刪除
  22. 我嘔到攬住toilet,連睇烹飪節目都會嘔(尤其睇煮魚) 死未.
    [版主回覆09/02/2008 06:15:00]咁慘?不過我都聽過,個個唔同!

    回覆刪除
  23. 媽媽E+可以有多D時間做自己喜歡做既事! 等女女再大少少就可撇低仔女﹐同老公再去玩下去下旅行﹐GOOD呀
    [版主回覆09/02/2008 06:14:00]如果個老公都唔理我呢?咁點算?

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^