2008年8月30日星期六

~無氣~換氣~


係呢度住咗十幾年,


樣樣嘢都舊晒!



最近屋苑要全部換上新的石油氣喉!


就係咁,我又有藉口放假啦!


前後都要安排3日去做,


每次做一樣嘢。


之前我同blog友講,


話我個廚房得2尺X6尺咋!


佢好似唔係好明咁,


俾相你睇啦!



係咁細嘅地方,仲要擺罐石油氣,


真係有啲唔方便,


但係諗落換咗啲舊喉會安全啲!


放假梗係要做個好媽咪啦,


   


一早就去超巿買嘢煮午餐,


都係清咗屋企啲麵餅先,



整個~豉油皇炒麵~(可按-食譜)



再嚟個煎豬扒,呢個係吉之島買啲醃咗嘅!


豬扒係我嘅弱項,我多數都煎到好"鞋"


有冇人可以教我呀?


問親媽子佢都話係咁係咁囉!


但我照佢咁講煎又係"鞋"嘅?


今次煎得都算係咁啦,無啲扒囝囝又話無肉呀!



加多碟油菜攪掂。


下星期一佢地開學啦,


生活回復正常,唔使日日煮到咁大陣仗,


我唔使咁辛苦囉!


佢地呢個暑假都肥咗,


亞囝仲同我講,佢肥咗7-8磅!


(咁咪好囉,個個亞媽都鍾意啲仔女肥少少架啦)


hahaha......................


梗係啦有亞媽好餸,

日日都變肥豬呀!



晏晝換完石油氣,巡下blog,上埋篇蛋糕食譜,


(連表都拆埋,咪無氣囉)



就同咗囡囡出咗旺角行街,


都係去花園街,


囡囡唔係好鍾意出旺角,佢唔鍾意咁多人!


佢今次收穫大囉,睇下佢買咗啲乜?



行過奇趣餅家

又忍唔住買兩件燒餅,我鍾意食無餡嗰隻!



仲買啲香蕉糕俾囝囝囡囡食,



就嚟到中秋,

又勾起我兒時嘅回憶,


如果我細個時有呢隻餅食就開心C呀!



但我多數都無份,亞爸做一份月餅會得兩隻,


我係大家姐,啲豬仔餅都會俾晒細佬細妹食!



行完就join埋大老爺去DIF食飯,


C啦C啦,我部PC short short地呀,快啲打完先!


 

15 則留言:

  1. 1111111 哈哈
    [版主回覆08/30/2008 08:39:00]Mommy Dearest always No.1.........Yeah...........

    回覆刪除
  2. 醃豬扒除了平常的料,一定要放薑汁酒,不要鞋就放少少鹰粟粉入去醃,我妈說会滑點,不过一定要拍肉 !
    花园街,奇趣,全是我的必到之地!
     
     
    [版主回覆08/30/2008 08:41:00]我都有用刀背挅塊豬扒,拍肉係咪咁嘅意思? 我逢星期五都會行下花園街,我好鍾意鍾意買衫架!

    回覆刪除
  3. 出旺角都唔搵我呀~
    [版主回覆08/30/2008 08:38:00]乜你住係旺角咩?

    回覆刪除
  4. 2呎X6呎? 妳既意思係剩餘空位?
    豬扒煎得唔錯呀 妳咁都唔滿意?
    [版主回覆08/30/2008 08:57:00]咪我可以企個位囉!太細啦! 今次都算煎得幾好!

    回覆刪除
  5. 女仔不管一歲定八十都係咁貪靚的呢~
    無餡的燒餅會不會沒味??
    煎扒也是我的弱項,不管是 還是 的~
    豬籠餅也是我兒時的最愛,以前每到中秋,經過旺角"瓊華",
    都會叫爸爸買比我的~ 您還遁得那個年代,仲有那些
    動物造型麵飽的嗎?龜包,豬包,牛包..................
    [版主回覆08/30/2008 08:56:00]經過旺角"瓊華", 都會叫爸爸買比我的 我就唔得啦,細個時窮,月餅會嗰兩個都無我份呀,我有兩個妹兩個細佬呀! 而家奇趣仲有啲魚仔餅喎!無餡燒餅咪有燒餅囉 有豆沙餡好甜,我好少食甜架!

    回覆刪除
  6. 你仔仔就好啦肥左,我仔仔病完就瘦晒!
    [版主回覆08/30/2008 17:35:00]病完食番啲有營養食物,好快就肥番!

    回覆刪除
  7. 唔怪得要咁多日假, 不如順便攪下間屋, 其實你間屋都好大既.
    [版主回覆08/30/2008 17:34:00]間屋就唔攪啦,咁熱咁辛苦!放咁多日係因為懶,放完兩個拍擋都會輪流放,咁咪益下自己囉!

    回覆刪除
  8. 2呎X6呎?咁我就大你少少喇,有2.5呎X6呎
    [版主回覆08/30/2008 22:45:00](Empty)

    回覆刪除
  9. 點會2呎X6呎咁細呀,你係唔係只計條路呀.
    [版主回覆08/30/2008 23:11:00]梗係計我企得個位啦!

    回覆刪除
  10. 奇趣既燒餅,香蕉糕我都好鍾意食架!
    [版主回覆08/30/2008 23:11:00]我鍾意食燒餅多啲,香蕉糕太甜! 你幾時見MOMMY DEAREST?

    回覆刪除
  11. 請問在那裹買的??
    [版主回覆08/31/2008 08:58:00]花園街奇趣餅家,中秋節先有得買架,你有冇去過呀,唔知個位置我再教你!

    回覆刪除
  12. 奇趣餅家我次次去都係買光酥餅, 因為小澄同奶奶中意食, 好少試其他呀!!
    豬扒都係我死穴, 煮嚟煮去都係鞋過鞋底, 我而家都已經係半放棄狀態喇~~
    [版主回覆08/31/2008 10:31:00]歡迎你嚟呀!好多時係第二啲blog友度見到你呀! 光酥餅我鍾意買好大好大嗰隻! 唔好放棄!

    回覆刪除
  13. 嘩,我同你一樣都係愛食無餡的燒餅,我每次都會買十蚊,返到屋企放入盒存雪櫃,食時用好細火慢慢煎軟,一樣都係咁好味。
    豬仔又係我的最愛,媽咪佢地愛食幾多幾多蛋黃蓮容月,我就獨愛無餡的小豬。
    [版主回覆08/31/2008 13:59:00]十蚊?6塊喎,點食晒,食完實肥幾兩呀!乜可以咁樣保存?咁有無即刻食咁好味?我而飲奶茶走甜,同食嘢都好怕甜! 唔係好多地有豬仔餅買囉!

    回覆刪除
  14. 呢隻餅細時亞媽都有買過比我呀 不過 ..... 我未食過 次次都擺到發毛 跟住掉
    [版主回覆08/31/2008 21:11:00]呢隻餅細個食就覺得好味,可能無乜嘢食!其實佢無乜味,普通餅一件!

    回覆刪除
  15. 事關想找最舊式的豬仔餅到yahoo找到你...你個綱頁背景好美!  看來也會弄幾尾!  在 香港 島那邊有售賣豬仔餅, 但小妹只想看有無那個竹籠賣?  到處也是膠做的, 太"行"!  可能要走到 旺角 望一吓..小妹自己有弄豬仔餅, 但有涵那種!  (歡迎可到小妹相簿一轉!)
    [版主回覆09/08/2008 20:28:00]我知道奇華好有得竹籠買,你可以去睇下!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^