[蝴蝶酥]
呢樣食係細個時嘅食物,估唔到自己都可以整!
[酥皮1包, 蛋1隻,糖]
1. 將酥皮由冰箱攞出嚟,放半小時,讓酥皮容易推開。
2. 蛋拂勻,糖放係小碟上備用。
3. 用木捧碌開酥皮,至2mm厚。
4. 在上面掃上蛋汁,灑上砂糖。
5. 由兩邊開始向中間捲起,至黏在一起。
6. 在酥皮再掃上蛋汁,灑上砂糖。
7. 切開1.5cm厚,用手逐件對摺。
8. 將未有蛋汁的地方,蘸上蛋汁同砂糖。
9. 焗盆包好錫紙,掃上橄欖油,逐件放上,要留有空位!
10. 預熱焗爐10分鐘,以200度焗20-25分鐘,焗至金黃即成。
11. 取出放涼!
我俾自己嘅分係50分!因為厚咗啲,中間唔夠脆!但都好味!
多謝joy ho提供食譜!
啲酥皮是否在超市到嗰啲,等我都試吓先都幾易
回覆刪除[版主回覆08/22/2008 13:32:00]係呀,買咗放係冰箱,邊日得邊日整囉!我都係第二次整咋!下次想整蛋撻呀!
COME ON... how can it be every time gives yourself 50 marks ga???? Is 60 marks full marks or what is it ???
回覆刪除My score sheet says 80/100 lah.. since you bought the puff pastry n didn't make it yourself!
[版主回覆08/22/2008 15:36:00]因為個樣唔係好似囉!而且個酥皮唔係自己整,扣分!
今次酥皮,下次蛋撻,上次整的是藍莓鬆餅......,再下次又會有甚麼驚喜出現呢? .......好期待呀!
回覆刪除[版主回覆08/22/2008 17:06:00]有架有架!我要不繼學習!
酥皮邊度買呢,果包裝係點㗎....
回覆刪除[版主回覆08/22/2008 18:03:00]係超巿買,等我一陣加埋個packing俾你睇,你遲啲入嚟睇!
月姐:現成酥皮會比較肥,小心啊!
回覆刪除[版主回覆08/23/2008 09:29:00]唔好咁稱呼我啦!咁老!hahaha..........
我會啦,我食小小試下得唔得咋!hehehe.........
一包酥皮可以整幾多個蝴蝶酥呀
回覆刪除[版主回覆05/22/2010 11:40:00]可以整到好多架(應該有30隻左右),不過呢隻要解凍又要搟薄,我覺下邊呢隻仲易整噃