2008年8月13日星期三

~做人父母~難難難~





今日都本來都無乜特別,

開開心心咁買餸煮飯,

仲預備咗2味餸俾啲細路聽日做午餐,

煮呀煮呀
!囝囝補完習返屋企,


先至同我講,話聽日唔係屋企食飯喎!

講真架?我已經預備晒啲餸!


咁即係煮唔煮好呀?

我已經煮到一頭煙,

仲咁激我?


如果唔使預備佢地啲午餐,

我可以整得好輕鬆架,

而家煮到佢地食飯我都未煮完呀!

做乜唔同我講呀!

我真係嬲到唔出聲,亦都無食飯!

係唔想食呀,淨係飲咗碗湯咋!

我無發脾氣,係唔出聲啫!



家常便飯

~梅菜蒸肉餅~



~琵琶豆腐~

今次第一次整,呢件算係成功啦,有啲煎到散晒,下次再煮成功先出埋食譜。

~翡翠芙蓉~(食譜)

又係第一次煮,都算成功,個樣子都幾好,味道唔錯架!



~金銀蛋莧菜~

~節瓜咸蛋肉片湯~

呢兩個就係煮俾佢地聽日嘅午餐!而家煮咗都唔知點處理,淨係囡囡都食唔晒架!

仲有預備自己明日嘅午餐!

~拿破侖醬煮長通粉~





我的減肥日誌

第21日:無磅

早餐:小餐飽2個加牛油+低脂奶茶

小食:富士蘋果,瑪莉餅5塊

午餐:火腿冬菇炒麵

小食:香蕉蛋糕一件

晚餐:節瓜湯1碗


12 則留言:

  1. wah 好多美食啊!!!!!!!!!!!!!!!!!
    唔好生氣啦﹐仔仔大左有自己的朋友﹐可能佢都係剛剛約左﹐所以無早D話你知嘛
    [版主回覆08/13/2008 07:54:00]佢係上星期約實架,佢無心肝咋!個家庭佢都有責任,唔應該咁唔負責!

    回覆刪除
  2. 唔好嬲,自己加料啦,無謂因這事傷自己的心,我時時都是死忍,家和萬事興!我們偉大吖嘛!
    [版主回覆08/13/2008 07:53:00]嬲到食唔落飯呀,應該係唔想埋位同佢食飯呀!我以前會鬧鬧鬧架,今次我無出聲,無聲抗議呀!

    回覆刪除
  3. 你一家幾多人食飯呀?煮咁多嘅?真係好好餸呀,做你仔女仲有咩講呢,你真係一個好好好嘅媽媽...
    [版主回覆08/13/2008 10:27:00]煮三餐呀!夜晚一餐,今日中午一餐(佢地自己丁嚟食),我自己帶飯!好媽媽無人讚架,淨係識話你成日發脾氣,又唔知我為咗佢地煮到幾辛苦!

    回覆刪除
  4. 小女子, 越來越愛慕你的廚藝, 我連做個梅菜蒸肉餅都要打電話問人, 我是一個失敗的煮婦, 你好叻!唔好嬲, 錫錫baby mummy.
    [版主回覆08/13/2008 10:54:00]咁你咪多啲入嚟學嘢,我最多唔收你學費la!

    回覆刪除
  5. 唔好咁激氣啦,妳要慢慢適應d仔女大左,好多都係咁無心肝,常常都話唔記得話妳知,再大d 都唔同妳講添呀,我而家煮飯都未見人,就要打電話問d少爺番唔番黎食,仲要唔發得脾氣喎,唉.....做亞媽就係咁啦.....
    [版主回覆08/13/2008 11:10:00]你發唔發脾氣,佢地祇會記得你發脾氣嗰陣,唔會記得你為佢地做個啲乜!

    回覆刪除
  6. 美人, 你唔好咁勞氣啦, 其實我都係咁衰, 我只記得約左人, 但唔記得亞媽前一日已經準備叫鍾點姐姐買餸, 會打亂佢d計劃, 所以唔番去食飯或者唔帶飯都覺得有壓力.
    [版主回覆08/13/2008 12:58:00]原來你係衰女嚟!咁你要體諒亞媽呀,啲餸洗咗咁點放返入雪柜,未煮未洗可以再plan下點整呀!

    回覆刪除
  7. Hi,  看了很久 ,今天第一次回應 ,仔女大了是這樣的 ,点解你唔帶仔仔的餸當午餐呢!  你煮的餸很不錯 , 可以出大場面呀 !
    [版主回覆08/13/2008 13:47:00]我已經煮咗自己個飯盒啦,我唔係話啲乜,係感慨佢地知唔知我為佢地做緊啲乜啫!

    回覆刪除
  8. 算喇 ~ 下次叫仔仔早D講你知 ! 唔好唔食餓壞自己呀組長
    [版主回覆08/13/2008 13:48:00]我呢個組長得你一個組員咋! 上BLOG同人傾下傾下就會開心番!

    回覆刪除
  9. 咁好餸都5返黎食....嘥D bor
    [版主回覆08/13/2008 16:26:00]係囉!嘥咗啲餸咋!

    回覆刪除
  10. 嘩!你真係晚晚煮到一頭煙 唔好嬲喇!仔大左,有佢地自己世界,要接受,唔係會好辛苦
    [版主回覆08/13/2008 21:46:00]我會啦!今晚無事啦!真係煮到一頭煙,因為唔想佢地食埋咁多無益嘅飯盒,咪唯有自已辛苦啲囉!

    回覆刪除
  11. 妳既家常便飯真係唔簡單
    [版主回覆08/13/2008 22:57:00]無法啦,已所不欲,勿施於人,我好唔鍾意日日都食同一樣餸,所以都唔想囝囝囡囡第二日都係食噚晚嘅餸!

    回覆刪除
  12. 唔好 嬲啦!我有福啦,無得食都有得睇,快d post食譜出來教我喎!
    [版主回覆08/14/2008 06:21:00]傻豬! 我呢排啲餸都係分開嚟post,有食譜嗰啲你可以click入去(食譜)個字度就可以入到去睇食譜啦!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^