食譜~【芒果糯米糍】

[芒果糯米糍]

[材料：糯米粉140g，粘米粉10g，吉士粉10g，糖5-6湯匙，油1湯匙，椰漿200g，水200g，椰絲半包，芒果2個]

1. 糯米粉、粘米粉、吉士粉、篩過拌勻。

2. 糖、油、椰漿、水用細煲煮滾。

3. 倒入混合粉，快手拌勻(太慢會拌唔勻)，攪至成粉糰。

4. 倒入大碟中，蒸15-20分鍾，用筷子試吓。

5. 用水座涼，載上膠手套，將粉糰放在膠墊上，切成一份份。

6. 芒果切粒，將粉糰攤開，包上芒果餡，再沾滿椰絲，放於紙模上。

**雪凍口味更佳。要快手包餡，太慢會好難埋口，可能粉糰凍咗。我係用有色嘅吉士粉，咁樣會好睇啲，黃黃地!我試食過啦，好味喎，我落少咗糖(5湯匙)，甜度啱啱好，又煙un喎!不過要用硬身啲紙底會好啲!