2008年6月13日星期五

香水菠蘿~自製飯盒

香水菠蘿



點解咁叫?我都唔知喎!

係街巿見到好新鮮又平($6個)咪買嚟食囉!



今期係想介紹點樣切菠蘿!記得細個的時候,睇到老豆切就自己記住,大個做咗人媽咪我都時時切,唔難架!點樣切睇住啦!


Step 1:先切咗頭同尾。



Step 2:切咗表面的皮,再斜斜地沿住的釘,兩粒兩粒咁切。



Step 3:切晒之後咪咁樣囉,唔使好耐咋!再將佢切片,最好將個心切掉,咁會好食啲,因為個心比較硬!



Step 4:加少許鹽同食水浸住,放入雪櫃。凍啲好食啲。


食得!


其實我買菠蘿係想做菠蘿炒飯!


我加咗菜脯、粟米粒、蟹柳、菠蘿、青豆做咗個炒飯!



我個菠蘿炒飯飯盒!


3 則留言:

  1. 我一家都愛吃菠蘿,依到菠蘿要$3.99一個,重係青bb添!我哋番厘食多d先!
    [版主回覆06/13/2008 08:05:00]好貴呀!咪成$36蚊!係日本超巿都係$13咋!食嘢都係香港平!我買個啲係國產所以咁平,但好甜呀!又無渣㗎!好食!
     

    回覆刪除
  2. ∞∞∞∞∞∞∞∞∞ Ðädä ∞∞∞∞∞∞∞∞2008年6月14日 下午7:27

    有 d 超市買 $8.9。我朋友早幾日先買左個。後來係街市見 $6 咋。不過我懶切冇買囉。遲 d 都要買返個先得。
    [版主回覆06/14/2008 11:49:00]超巿係乜都貴,我而家都去普通藥房買嘢!平好多架!
    可以的話我都鍾意去街巿買,不過好多時放咗工,街巿都無乜嘢好買!迫住去超巿!
    好甜架!好食過超巿嗰啲!

    回覆刪除
  3. 起釘都識,厲害,厲害!
    [版主回覆06/14/2008 22:47:00]都幾架!
    我仲識批蘋果皮唔斷!
    講真真係唔係好難,你可跟住我啲步驟就得,如果成功話我知呀!

    回覆刪除

:) :( ;) :D :-/ :x :P :-* =(( :-O X( :7 B-) #:-S :(( :)) =)) :-B :-c :)] ~X( :-h I-) =D7 @-) :-w 7:P 2):) :!! \m/ :-q :-bd ^#(^